【Viu】黃秋生、童星林諾、太保、火火、導演劉國瑞噚晚出席《白日青春》首映。秋生哥近年同唔少新導演合作，問秋生哥是咪好願意同劉國瑞導演交流？佢笑言：「喺片場好忙，佢唔得閒㗎！」而劉導就話秋生哥袋咗好多錢入佢袋，秋生哥即刻回應：「開頭識你都仲好清純，依家變得咁狡猾，人哋話電影圈係大染缸就係咁解。」劉導仲話秋生哥好有個性，你叫佢做乜佢就唔會做，反而唔叫佢就會做，「即係兜個圈話我好麻煩。」幾句對話已經充滿火花。
而林諾喺戲中同秋生哥合作無間，雖然唔係演父子，但卻建立咗勁深感情。佢仲話秋生哥睇落好惡，原來好搞笑！想知大家對秋生哥有咩comment，快啲click入嚟睇片啦！
