【Viu】呢期MC張天賦堅係老是常出現呀，相信「賦二代」嘅幸福感肯定係幾倍式增長！而今次MC要highlight嘅就係佢隻最新專輯《Sweet & Sour》，碟名正正「出賣」咗MC係有幾咁為食！如果將甜、酸、苦、辣套用喺MC出道至今嘅經歷入面，佢又會點演繹？同時喺新碟入面，有邊4首歌係fit到呢4種味道？
喺度亦嚟個小劇透，MC將會拆解去年喺倒數演唱會上，立flag騷肌嘅真相，佢亦有講到當時帶病開騷，最後無奈宣布延期，背後仲發生咗咩事？新歌《目擊者》係講述分手嘅痛，MC最痛嘅一次分手係邊次？繼上次MC開心share咗兩隻愛犬豬柳蛋、Yoda嘅笑料後，今次加碼再分享佢哋嘅奀皮事s，莫非係狗似主人形？想知就即刻去片啦！溫馨提示，記得睇片尾，事關MC話有嘢要宣布！
