【Now新聞台】「港產獨角獸」物流平台Lalamove近年積極在包括馬來西亞在內等市場，進行國際化布局，並會逐步發展網約車、無人機等新業務，多元化推動業務增長。
Lalamove首席營運總監盧家培說:「我哋嘅主要客戶都係中小企，而中小企亦係每一個市場經濟脈絡嘅最主要一部分，所以希望通過我哋呢個平台，可以幫到中小企，無論佢面對順境、逆境都可以減低物流成本。」
Lalamove於11年前由香港出發，現時足跡已遍布全球，管理層表示，開拓新市場時主要考慮當地經濟、產業種類及互聯網滲透率，並認為各個市場中，以日本、土耳其最具潛力。
盧家培說:「兩個都係相對比較大嘅經濟體，產業亦都比較闊，而且我哋亦喺research睇到，司機伙伴數量亦唔細。用戶方面，到目前為止接觸到或服務緊嘅用戶，佢哋對即時叫車(貨運)平台嘅需求好大。」
目前，內地是Lalamove最大市場，管理層指出，內地貨運仍以傳統物流為主，因此，平台模式有較大發展空間，未來會繼續做大做深內地業務。
除地域擴張外，近年集團亦積極嘗試新業務，例如現時已在5個市場推出網約車業務，Lalamove表示，留意到香港的點對點出行需求強勁，現正於現有市場累積經驗，未來會密切留意香港市場的發展。
此外，政府近期發展低空經濟，集團亦有參與政府的監管沙盒試點計劃，將會利用數碼港作為起降點，向離島運送藥物，無人機業務會先在香港試行，並指相信海外無人機市場亦有很大潛力。
目前，Lalamove業務遍布全球13個地區，涉及逾400個城市，未來會持續擴張，估計年內會正式進軍兩個中東市場。
