【Now新聞台】英格蘭超級聯賽，紐卡素主場大勝葉士域治3比0，葉士域治護級失敗。
紐卡素領隊賀維病後首度領軍，37分鐘便收到好消息，伊薩令賓莊遜兩黃一紅出場，葉士域治早早踢少個，亦間接令紐卡素得以圍攻、錄得破今季紀錄七成八控球。東拿利射門中楣角欠運，安斯素沒汲取隊友教訓，手多拉跌梅菲送出十二碼，伊薩主射，入今季聯賽第22球，紐卡素半場人數比數都領先。
下半場查比亞助攻兩連發，先落底傳至龍門口，丹般泰山壓頂，56分鐘拉開到2比0；尾段查比亞再開角球，奧蘇拿後備落場，頂入個人英超處子入球，紐卡素大勝3比0。
葉士域治護級失敗，來季重返英冠，同時亦啟動了戴納三千萬英鎊解約條款，成為轉會關注組頭號目標。
另一搶手貨是狼隊古亞，盛傳與曼聯好事近，主場大炒李斯特城，上半場先來一射；換邊後再加兩傳，先斜線助攻史特拿臣，臥射成2比0。
李城篤定降班，華迪亦宣布季尾離隊，博回來的十二碼，這位38歲老將親自操刀但被祖斯沙救到。
古亞臨尾再現身，造就後備高美斯埋齋3比0，狼隊繼1970年後，再在頂級聯賽6連勝。
