【Viu】香港電影工作者總會「總會拍電影」計劃首季勝出作品之一 《不赦之罪》」，找來影帝黃秋生、劇后蘇玉華助陣，仲係George歐鎮灝嘅電影處男作，探討原諒仇敵嘅掙扎同痛苦！
首次拍電影嘅George飾演少年強姦犯，秋生哥飾演神父兼受害者爸爸，兩個角色火花十足，George為咗精益求精仲主動要求重拍一場重頭戲，秋生哥都好欣賞呀！
Eng 04091832
Eng 04091831
Int 04091831
Int 04091829
News 04091828
News 04091827
Finance 04091827
Finance 04091825
【Now新聞台】有到場觀看Coldplay首場演唱會的立法會議員指，看到不少旅客將行李箱直接放在場外，未有寄存，認為這方面需要改善。
【Now新聞台】立法會換屆選舉12月7日投票，有議員在立法會特別財委會上關注這次選舉的投票率。政制及內地事務局稱，並無為投票率設硬指標。
【Now新聞台】在緬甸參與地震救災的國家救援隊和香港特區救援隊啟程回國，政務司司長陳國基等特區官員會到北京迎接。
【Now新聞台】題目：關稅戰之中美交鋒
【Now新聞台】題目：香港創科前景
【Viu】黃秋生、游學修今日為舞台劇《極地謎情》演出，騷後同陳淑儀導演齊齊接受訪問，講到因為打風，變相令秋生哥62歲正日生日（9月2日）成為舞台劇開鑼日，佢直認係突如其來嘅禮物，令自己可以休息多一日，狀態大勇，仲笑指起碼仲有廿年大運行呀！呢頭做完「算命佬」，秋生哥轉頭又化身「講故佬」，用大富翁嚟講解生日願望，真係令小編學到好多嘢呀！
咦？咁阿修又有冇好識做咁做「送禮修」呢？佢就自爆去年送生日禮物畀秋生哥嘅趣事，仲搞到秋生哥自認有睇鹹片，OMG，好true呀！期間阿修分享騷前扭親頸，秋生哥即反問：「咁你女朋友有冇扭親頸呀？」仲陰陰嘴笑讚後輩玩得好激烈，笑Cry呀！想睇秋生哥有幾Funny？同埋點睇老拍檔梁朝偉拎威尼斯影展終身成就金獅獎？記得收睇足本訪問喇！
【Viu】適逢「神戲劇場」十周年，除咗重頭戲舞台劇《極地謎情》之外，仲搞咗個攝影展，今日黃秋生、游學修、葛民輝、陳淑儀一同現身開幕儀式。25場《極》公映在即，秋生、阿修都話排練得如火如荼，又呼籲觀眾最少入場睇兩次！
阿修日前上電台節目提及情史，事後被封為「女神收割機」，佢直認睇到報道有嬲，指冇諗過一啲唔係新鮮嘅事之後都會被講，建議大家少啲睇content farm，秋生聽到即安慰阿修話：「呢啲叫紅！」又自嘲別名「叉燒包」化解氣氛，引全場發笑！
早前《膠戰S3》有條叱咤新力軍考古題，秋生獲1995年男新力軍金獎，笑問有冇興趣同阿修組嘅男團N9喺歌曲方面合作？秋生笑阿修想代替周杰倫，爆佢影相嗰陣勁似周董，又謙虛指自己唔識唱歌！咁就睇吓阿修叫唔叫得郁秋生哥開金口啦！
【Now.com】第33屆香港書展今日（19日）在會展開鑼，展期至7月25日。一如既往，不少藝人都在書展期間推出新書或寫真集。今年包括汪明荃、黃秋生、盧覓雪、黃妍等，亦有不少KOL及YouTuber加入戰團，包括「FHProductionHK」嘉盈、「小薯茄」阿冰、前主播梁凱寧等！
【Viu】黃秋生、「宵夜三人組」嘅梁祖堯、Hailey陳俞希同Babyjohn蔡瀚億、趙學而、徐天佑、湯駿業今日出席日本餐廳開張活動。對食有研究嘅秋生自爆研發咗個新式食雪糕方法，仲勁大方開心share畀餐廳。問到佢有冇興趣拍飲食節目？佢就話隨緣，又大讚仔仔煮嘢食比自己叻。秋生續講到準備出本回憶錄，記錄人生百厭事，之後再同游學修演舞台劇。
阿祖、Hailey、Babyjohn走埋一齊就一發不可收拾，「逼」到Hailey自揭嫁唔出原因，阿祖、Babyjohn喺隔離開賤嘴mode追問！Hailey預告6月入劇組，又再被阿祖、Babyjohn夾份「挑逗」，笑問係咪以八婆本色演出？一嘢KO Hailey！
【2023年3月31日】 黃秋生一向俾人嘅感覺都係氣場強大，但喺《白日青春》飾演佢兒子嘅Endy周國賢同導演劉國瑞，就話秋生雖然氣場強大但其實內裡好慈祥，佢同林諾仲係片場嘅開心果添！劉導演更大爆林諾同秋生一見面就即刻互窒，非常老友！ 新戲唔單止刻畫秋生同Endy嘅父子情，仲描繪巴基斯坦難民喺香港生活嘅種種困難，將漂泊者嘅無奈完全呈現出嚟！但其實Endy都曾經體驗過「人在異鄉」嘅痛苦，事關佢喺外國讀書嗰陣都受盡歧視啊！而人生經驗相當豐富嘅秋生就將人生比喻成遊樂場，想知佢點講？即刻睇片啦！
【Viu】黃秋生、童星林諾、太保、火火、導演劉國瑞噚晚出席《白日青春》首映。秋生哥近年同唔少新導演合作，問秋生哥是咪好願意同劉國瑞導演交流？佢笑言：「喺片場好忙，佢唔得閒㗎！」而劉導就話秋生哥袋咗好多錢入佢袋，秋生哥即刻回應：「開頭識你都仲好清純，依家變得咁狡猾，人哋話電影圈係大染缸就係咁解。」劉導仲話秋生哥好有個性，你叫佢做乜佢就唔會做，反而唔叫佢就會做，「即係兜個圈話我好麻煩。」幾句對話已經充滿火花。
| 1 | 2 | 3 | 下一頁 |
