【Viu】適逢港台兩大節目《2000靚歌再重聚》、《音樂情人》分別開播25周年、20周年，兩位主持區瑞強及鄭子誠今日舉行「2025情人靚歌」音樂會回饋聽眾，仲邀請「香港著名品牌」胡楓做嘉賓高歌一曲！
鄭子誠話喺呢20年聽證住唔少聽眾嘅人生大事，希望以修哥做目標，朝住佢嘅方向活到老、做到老！區瑞強嚟緊5月再喺「主場」伊館開騷，同時慶祝70歲大壽！佢指往年每次開騷都定必請修哥做嘉賓，但因為呢次未有嘉賓環節就作罷啦！問到修哥幾時再開紅館騷？佢就話未清楚，定下次轉場唱啟德？修哥秒回笑爆嘴！
另外，修哥日前現身契仔張家輝主演電影《贖夢》嘅首映禮，不過佢話當日未有睇戲，留返遲兩日朋友包場先欣賞！驚唔驚到時會被嚇親？佢又大爆登台收利是笑料！即刻去片睇足本訪問！
瀏覽 Viu網頁觀看影片
瀏覽 Viu網頁
