【Now新聞台】截至早上11時止，1小時內《彭博》用戶搜尋量最多港股，依次為美團、同程旅行、融創中國、紫金礦業及石藥集團。
醫藥股再度強勢，上榜嘅石藥單計今個月，股價已累升20%，醫藥股強勢係咪受惠於國產自強概念？行業似乎唔太受貿易戰影響？醫藥股又應該點揀好？
富途證券首席分析師譚智樂指，醫藥股始終唔太受貿易戰影響，包括石藥在內嘅醫藥板塊喺4月跑贏大市，估計醫藥股短線仍會強勢。佢又話，石藥係一眾醫藥股中唔錯嘅選擇，因為以價值股角度睇，藥股股息率介乎4厘至5厘，市盈率(PE)只係約14倍，估值合理，所以高追石藥都唔需要太擔心有泡沫風險。
