【Now新聞台】截至早上11時止，1小時內《彭博》用戶關注度上升最多嘅港股，依次為新世界發展、地平線機器人、龍湖集團、金沙中國及泡泡瑪特(POPMART)。
金沙昨日(24日)派咗季度成績表，表現差過預期，多家大行都唔收貨，但股價今日(25日)又有得升，一度升逾5%，高見14.34元，係咪開始炒「五一」行情？
大華繼顯執行董事梁偉源指，「五一黃金周」長假期會吸引好多內地觀光客去澳門玩，但依家澳門觀光模式已經唔同咗，就算酒店入住率高、旅客人數增加，對賭業盈利都幫助唔大。
Steven又話，金沙母公司拉斯維加斯金沙(LVS)有意繼續回購金沙股份，目標係增持至74.9%，呢個消息反而對金沙股價有支持作用。
